Süd vəzi sağlamlığı qadınlarda profilaktik tibbi yoxlamaların əsas hissəsidir. Süd vəzilərindəki dəyişikliklərin erkən aşkarlanması üçün ultrasəs müayinəsi (USM) və mammoqrafiya ən çox istifadə olunan üsullardır. Diamed Klinikası bu sahədə həm klassik mammoqrafiya, həm də 3D tomosintez texnologiyası ilə xidmət göstərir.

Süd vəzi müayinəsi niyə vacibdir?

Erkən mərhələdə şişlərin, kistlərin və toxuma dəyişikliklərinin aşkarlanması;
Ailə tarixçəsində süd vəzi xərçəngi olan qadınlarda yüksək riskin nəzarətdə saxlanması;
Hormon müalicəsi alan və ya menopauzada olan qadınlarda mütəmadi izləmə;
Estetik dəyişikliklər və ya ağrı şikayətləri zamanı səbəbin müəyyən olunması.

Ultrasəs müayinəsi (USM) nədir?

Daha çox gənc qadınlarda və sıx toxumalı süd vəzilərində tətbiq olunur;
Yumşaq toxumaları, kistləri və maye yığıntılarını daha aydın göstərir;
Hamiləlik və laktasiya dövründə təhlükəsizdir;
Şüa vermədiyi üçün limitsiz istifadə oluna bilər.

Mammoqrafiya nədir?

Xüsusilə 40 yaşdan yuxarı qadınlarda tövsiyə olunur;
Kalsifikasiya (kireçlənmə), mikrokalsinatlar və şiş dəyişiklikləri üçün daha həssasdır;
Az miqdarda rentgen şüası ilə işləyir;
Ənənəvi 2D və yeni nəsil 3D tomosintez ilə daha dəqiq diaqnostika mümkündür.

Diamed Klinikası həm klassik standarta uyğun mammoqrafiya, həm də yüksək dəqiqlikli 3D tomosintez aparatına malikdir. Bu texnologiya qat-qat görüntülər verərək kiçik dəyişiklikləri belə aydın şəkildə aşkarlamağa imkan yaradır.