Ürək nahiyəsində hiss olunan ağrı və ya sıxılma hər kəsdə narahatlıq yaradır. Xüsusilə sol döş qəfəsi ətrafında baş verən ağrılar infarkt riski ilə əlaqələndirilə bilər. Lakin hər ürək ağrısı infarkt əlaməti deyil. Bu yazıda ürək ağrısının səbəbləri, necə ayırd ediləcəyi və Diamed Hospital-da tətbiq olunan müayinələr barədə məlumat veririk.

Ürək ağrısı nədir və necə hiss olunur?

Sıxılma, yanma, batma və ya təzyiq hissi;
Sol çiyinə, boyuna və ya qola yayıla bilər;
Dərin nəfəs alma və ya hərəkətlə artmayan, fasiləsiz narahatlıq;
Bəzən tərləmə, nəfəs darlığı, ürəkbulanma ilə müşayiət olunur.

Hər ürək ağrısı infarkt deyil – digər mümkün səbəblər:

Əzələ və sümük ağrıları (qabaq döş qəfəsi əzələləri);
Qastrit, refluks və mədə-bağırsaq problemləri;
Panik atak və stress mənşəli ağrılar;
Ağciyər xəstəlikləri və sinə plevritləri;
Sinir sıxılmaları və onurğa mənşəli ağrılar.

Bunların hər biri ürək ağrısına bənzəyən əlamətlər yarada bilər, amma tibbi yoxlama olmadan fərqləndirmək çətindir.

Diamed Hospital-da hansı müayinələr aparılır?

EKQ (elektrokardioqrafiya): Ürək ritmi və keçiriciliyi qiymətləndirilir;
ExoKardioqrafiya (Exo): Ürək əzələsinin və qapaqların vəziyyəti görüntülənir;
Troponin testi: İnfarkt və ürək zədələnməsi markeridir;
Qan təzyiqi və nəbz monitorinqi: 24 saatlıq qiymətləndirmə;
Check-up paketi: Ürək, şəkər və lipid profili birlikdə qiymətləndirilir.

Aşağıdakı hallarda dərhal həkimə müraciət edin:

Ağrı 15 dəqiqədən çox davam edirsə;
Ağrı ilə yanaşı nəfəs darlığı və soyuq tər varsa;
Ağrı fiziki hərəkətlə yaranırsa və dincəldikdə keçirsə;
Ailədə infarkt və ürək xəstəliyi keçmişi varsa;
40 yaşdan yuxarı kişilər və menopauza sonrası qadınlar üçün risk daha yüksəkdir.